حکومت او د خلکو غوښتنه

د هر حکومت جدی او اساسی مسووليت چي له هر مسالي څخه لومړي توب لري دا دي چي د خلکو قانوني غوښتني ته لبيک ووايي او د خلکو دپاره د هوسايني ژوند زمينه برابره کړي. او له بلي خوا منابع په عادلانه توګه په ټولو ځايونو کي تقسيم شي.

د توتاپ مسالي په يو بن بست تبديل شوي دي چي له يوه خوا خلک او له بلي خوا حکومت خپل سيات او نظريات په دي برخه لري. خو اصلي مساله دادي چي د افغانستان د ځينو برخو خلک غوښتنه لري او د ځينو نورو ولاياتو خلک د دي غوښتني په ضد اعتراضات کړي دي او په داسي يوه حالت کي حکومت مکلف دي چي اول د خلکو د غوښتني پلټني پيل کړي چي ثابت شي چي آيا د خلکو غوښتني قانوني بڼه لري او آيا د دوي د غوښتني په شا کي کوم سياسي کړني لاس نه لري او آيا د دوي غوښتني واقعا د خلکو د حقوقو د حقاق دپاره دي او يا بيا هم زيني خلک هڅه کوي چي د خلکو له احساساتو څخه استفاده وکړي او خپلي سياسي ګټي ته ځان ورسوي؟

يعني حکومت مکلف دي چي بايد په دي برخه جدي پلټنه پيل کړي او دا مساله بايد ثابت شي چي د خلکو غوښتنه څومره قانوني مصداق لري او بايد بررسي شي چي که د دوي غوښتني د حکومت له خوا ومنل شي دا کار څومره عملي کيداي شي. او له بلي خوا بيا هم حکومت بايد تحقيق کړي چي د هغه خلکو غوښتنه څومره قانوني بڼه لري چي د باميان او وردک د خلکو پر ضد په پکتيکا او ځيني نورو ولاياتو تر سره شوه؟

په هر صورت کي دا د دولت مسووليت دي او حکومت په دي باندي مکلف دي چي بايد يا د خلکو غوښتني تر سره کړي او د دي کار د عملي کولو دپاره هلي ځلي وکړي او لاري چاري وسنجوي. د مالي او تخنيکي له لحاظه د دي پروژي امکاناتو ته د حل لياري پيدا کړي.

او يا هم دا چي که حکومت واقعا نه غواړي چي دا پروژي د خلکو د غوښتني په اساس عملي شي او د دي کار دپاره قانوني دليل لري بايد چي د خلکو سره يي شريک کړي او خلکو سره مخامخ خبري وکړي خپل دلايل ووايي و د دوي دلايلو ته غوږ و نيسي بيا د ملي منافعو سره سم داسي يو تصميم و نيسي چي هم د خلکو منافع په کي خوندي وي او هم د ملي منافعو پر اساس وي او له بلي خوا د امکانات او مالي‌ او تخنيکي له لحاظه هم بايد د دي پروژي د پلي کيدل امکان هم شتون و لري.

په عربي کي يو ضرب المثل دي چي (طلب الکل فوت الکل) نه خلک داسي يو تصميم و نيسي چي د حکومت له لاس څخه پوره نه وي او د خلکو دا غوښتني د دي پروژي د فوت عامل و ګرځي او نه حکومت داسي يو تصميم و نيسي چي ټولو منافعو خپل ځان ته د نظر لاندي و لري او د خکلو غوښتني ته توجه و نه کړي چي بيا هم دا فوت الکل کيږي.

په هيله يو چي حکومت د افغانستان د خلکو سره د توتاپ د پروژي په هکله جدي خبري وکړي او د دي پروژي د پلي کيدلو دپاره لياري پيدا کړي او د ملي منافعو سره سم هم د خلکو غوښتني ته توجه وکړي او هم د دي پروژي د پلي کيدلو دپاره جدي اقدامات وکړي.

0 پیام برای این مطلب ثبت شده