داعش راتلونکی دپاره‌لوی ګواښ

لکه سنګه چی د افغانستان خلک ټول په جریان کی دی د ولس مشر کرزی د حکومت له اوایلو څخه تر وحدت ملی حکومت پوری د افغانستان د حکومت او نړیوالو قواوو ټول نیرو او هڅه د طالبانو د له مینځه وړلو په اړه مصرف شوه او کله کله هم د افغانستان په ځینو ځایونو کی د حزب اسلامی ګوند هم ځینی فعالیتونه درلوده.

د افغانستان خلک ښه په یاد لری چی د طالبانو د سقوط څخه وروسته او د موقت اداری د جوړولو په وخت طالبان داسی فاحش شکست خوړی وه چی نه یوازی د دوی لوړپورو چارواکو چی حتی معمولی کسان یی پخپلو کورو کی روانی امنیت نه درلوده. هماغه وخت د افغانستان د معاصر سیاسی تاریخ د عطف نقطه وه چی باید حکومت له دی فرصت نه ډیر ښه استفاده کړی وه خو پس له سو کلنو څخه چی د افغانستان حکومت د حامد کرزی په رهبری خلکو ته مالومه شوه چی دوی نه پوره تخصص لری چی په چارو باندی بوخت دی او نه هم پوره تحصیلات او له بلی خوا دوی د هیواد او وطن په مقابل جدی تعهد هم نه لری لږ لږ د ځینو حزبونو انتقادونه شروع شوه او له بلی خوا حکومت په اداری فساد ککړ شوه او حکومت د دی مسایلو د مخ نیوی دپاره توانایی نه درلوده کله چی خلک او د طالبانو بقایا ولیدل چی دا حکومت هم دومره طاقت او توان نه لری چی د ځینو کارونو مخه ونیسی نو یو ځل بیا د ځینو هیوادونو په حمایت دوی خپلی فعالیتونه شروع کړل او د افغانستان په ځینو ځایونو کی نظامی عملیات هم پیل کړل.

تر دی ځایه پوری هم طالبان د حکومت په مقابل کی ګواښ نه وه او د جدی تهدیداتو د ایجادولو توان نه درلوده خو د افغانستان د حکومت ضعف او بی توجهی د دی عامل شوه چی دوی ورځ په ورځ وده وکړی او حکومت ته په یو ګواښ تبدیل شی. د طالبانو خطر دومره زیاد شوه چی حتی د بحرنیو قوتونو په همکاری هم د دوی مخ نیوی حکومت دپاره ناممکن مساله باندی تبدیل شوه چی باالآخره د افغانستان حکومت په دی باندی قانع شوه چی باید طالبانو سره مذاکره او صلح وشی چی په دی اړه هم په ملیونونو دالر مصرف شوه خو پایله یی خلکو ته تر اوسه پوری مالومه نه دی. د افغانستان د وحدت ملی حکومت د جوړولو څخه وروسته د طالبانو جرات دومره ډیر شوه چی حتی د دوی په لاس د افغانسان ځینی ولایتونو هم سقوط کړل.

د طالبانو درد سر تر اوسه پوری نه دی تمام شوی چی بلی ګواښ د خلکو د ځانی او روانی امنیت دپاره رامینځته شوی دی چی هغه داعش دی. داعش هم تر اوسه پوری دومره توان او قدرت نه لری چی د افغانستان د حکومت په مخ ودریږی او حکومت سره مخامخ مقابله وکړی خو د وحدت ملی حکومت تغافل او بی توجهی بیا هم د دی سبب کیدای شی چی داعش هم لکه طالبانو غوندی د حکومت او د افغانستان د خلکو په وړاندی په لوی ګواښ باندی بدل شی.

د افغانستان د حکومت لویو چارواکو هم په دی اړه تشویش لری او له بلی خوا بحرنیانو هم څو ځله ویلی دی چی په راتلونکی کال د داعش حملات او ګواښونه زیات شی او د افغانستان امنیتی وضعیت لا هم خراب شی خو حکومت هیڅ کوم جدی اقدام په دی اړه تر اوسه نه دی کړی.

داعش د افغانستان په لویو ښارونو لکه جلال آباد کی راډیو لری او منظم تبلیغات کوی خو د افغانستان حکومت هیڅ کوم جدی او عملی تدبیر د دوی په وړاندی نه لری. حکومت که واقعا د دی مسالی په وړاندی جدی تصمیم و نه نیسی او د دوی د فعالیتونو مخه نه نیسی بدون د شکه چی د هوا په ګرمیدو کی او په راتلونکی کال کی داعش په افغانستان کی په لوی ګواښ باندی تبدیل کیږی.

0 پیام برای این مطلب ثبت شده