د حکومت ضعیفه مدیریت او د ستونزو زیاتوالی

حکومت پخپلو چارو باندی هم صحیح مدیریت نه لری او د لویو چارو ترمینځ وحشتناک ستونزه او بی اعتباری رامینځته شوی دی. حکومت د ولسی جرګه پریکړه نه منی او ولسی جرګه تل د حکومت فرمانونه ردوی. دا ناوړه معادلی د نورو مهمو ارګانونو او حکومت ترمینځ شتون لری دا یعنی د قدرت انارشیزم او د حکومت د تباهی عامل.

که ولس مشر غنی غواړی چی تل دپاره تقنینی فرمانونه صادر کړی او د دی په کیسه کی نه وی چی د ولسی جرګی له خوا تایید کیږی که نه نو باید دا پارلمان منحل شی او د دی بودجه د تعلیم او تربیت او د امنیت په مسایلو باندی مصرف شی، که داسی نه دی نو ولس مشر غنی نباید پخپل سر تقنینی فرمانونه صادر کړی او د حکومت د دری واړو مهمو نهادونو ترمینځ شخړه رامینځته کړی.

د مخابراتی مالیاتو په اړه چی د ولسی جرګی له خوا رد شوه د وکیلانو ادعا دادی چی مونږ دغه مسالی سره موافق یو خو دا باید له قانونی لیاری څخه طی مراحل شی نه داچی ولس مشر پخپل سر تقنینی فرمانونه ورکړی نو ولسی جرګه په څه مانا دی؟ همداسی په نورو چارو کی هم د ولسمشری ماڼی او نورو زیربطو اداراتو ترمینځ شخړی او ستونزی مخ په زیاتیدو دی یعنی دا چی د ولسمشری ماڼی ستونزه یوازی د سپیدار ماڼی سره نه دی بل چی ولسمشر د مطلق العنانی سیاست له امله له ډیرو دولتی اداراتو سره ستونزه پیدا کړی دی.

د وحدت ملی د حکومت له جوړیدو څخه راهیسی د افغانستان خلک په ویر او ماتم ژوند کړی دی او تل سره له نورو ستونزو او مشکلاتو د اقتصادی او ناامنی ستونزی هم دوی تر فشار لاندی راوړی دی.

لکه څنګه چی مالومه ده په ډیرو نظرسنجیو کی د افغانستان وحدت ملی حکومت د خلکو له طرفه 20٪ پلویان هم نه لری او له 80٪ نه زیات خلک له دی حکومت څخه ناراضی دی. اوزګاری، نا امنی، د رهبرانو ترمینځ مینځنی شخړی، په دولت کی د سالم مدیریت نشتون، د رهبرانو ضعف، په کابینه کی د ناښایستو کسانو ګمارل، د رهبرانو د بی کفایتی له امله د نړی بی توجهی او داسی نور مسایلو سبب ګرځیدلی دی چی د خلکو او د حکومت ترمینځ جدی او خطرناک فاصله ایجاد شی او حکومت د خلکو په وړاندی خپلی محبوبیت له لاسه ورکړی. له بلی خوا رسمد دی حکومت دواړو رهبرانو ژمنه کړی وه چی د دوی په حکومت کی خلک لاندنی ستونزی به و نه لری خو متاسفانه چی برعکس خلک له هر وخت څخه ډیرپه دی ستونزو باندی ګرفتار دی.

سره له داسی ستونزو او مشکلاتو د افغانستان خلک بیا هم هیله من دی او حکومت ته سترګی په لاره دی چی شاید د افغانستان د وحدت ملی حکومت چارواکو خلکو ته په وجدانی سترګی وګوری او د خلکو دپاره د کار و بار زمینه برابره کړی، دا په دی مانا چی خلک تر اوسه پوری هم له خپلی حکومت څخه انتظار لری او له بلی خوا حکومت هم تر اوسه پوری چانس لری چی بیرته خپلی له لاسه تللی اعتماد تر لاسه کړی خو کله چی حکومت په مشکوکو کړنو باندی بوخت وی او د خلکو له سرنوشت سره لوبی وکړی بیا دا د خلکو دپاره د مننی وړ نه دی ځکه چی د افغانستان خلک خپلی 15 کلنی لاس ته راوړنی په هیڅ وجه باندی د افغانستان د خلکو دښمنانو ته نه ورکوی. که حکومت او هغه کسان چی د دواړو رهبرانو شا و خوا نیولی دی او غلطه مشوری ورکوی په داسی کړنو باندی ادامه ورکړی نو هیڅکله هم د خلکو او د حکومت ترمینځ د اړیکو ښه والی نه تر لاسه کیږی.

0 پیام برای این مطلب ثبت شده