د حکومت مشکوکه کړنی او د خلکو انزجار

د وحدت ملی د حکومت له جوړیدو څخه راهیسی د افغانستان خلک په ویر او ماتم ژوند کړی دی او تل سره له نورو ستونزو او مشکلاتو د اقتصادی او ناامنی ستونزی هم دوی تر فشار لاندی راوړی دی.

لکه څنګه چی مالومه ده په ډیرو نظرسنجیو کی د افغانستان وحدت ملی حکومت د خلکو له طرفه 20٪ پلویان هم نه لری او له 80٪ نه زیات خلک له دی حکومت څخه ناراضی دی. اوزګاری، نا امنی، د رهبرانو ترمینځ مینځنی شخړی، په دولت کی د سالم مدیریت نشتون، د رهبرانو ضعف، په کابینه کی د ناښایستو کسانو ګمارل، د رهبرانو د بی کفایتی له امله د نړی بی توجهی او داسی نور مسایلو سبب ګرځیدلی دی چی د خلکو او د حکومت ترمینځ جدی او خطرناک فاصله ایجاد شی او حکومت د خلکو په وړاندی خپلی محبوبیت له لاسه ورکړی. له بلی خوا رسمد دی حکومت دواړو رهبرانو ژمنه کړی وه چی د دوی په حکومت کی خلک لاندنی ستونزی به و نه لری خو متاسفانه چی برعکس خلک له هر وخت څخه ډیرپه دی ستونزو باندی ګرفتار دی.

سره له داسی ستونزو او مشکلاتو د افغانستان خلک بیا هم هیله من دی او حکومت ته سترګی په لاره دی چی شاید د افغانستان د وحدت ملی حکومت چارواکو خلکو ته په وجدانی سترګی وګوری او د خلکو دپاره د کار و بار زمینه برابره کړی، دا په دی مانا چی خلک تر اوسه پوری هم له خپلی حکومت څخه انتظار لری او له بلی خوا حکومت هم تر اوسه پوری چانس لری چی بیرته خپلی له لاسه تللی اعتماد تر لاسه کړی خو کله چی حکومت په مشکوکو کړنو باندی بوخت وی او د خلکو له سرنوشت سره لوبی وکړی بیا دا د خلکو دپاره د مننی وړ نه دی ځکه چی د افغانستان خلک خپلی 15 کلنی لاس ته راوړنی په هیڅ وجه باندی د افغانستان د خلکو دښمنانو ته نه ورکوی. که حکومت او هغه کسان چی د دواړو رهبرانو شا و خوا نیولی دی او غلطه مشوری ورکوی په داسی کړنو باندی ادامه ورکړی نو هیڅکله هم د خلکو او د حکومت ترمینځ د اړیکو ښه والی نه تر لاسه کیږی.

په بغلان کی هغه مشکوک تفاهم نامه چی د راستون شوی هیات له نظره د حکومت او د سیمی د سپین ږیرو او خلکو تر مینځ امضا شوی دی او د بغلان د ولایتی شورا د وکیلان د ویناوو له مخی دا تفاهم نامه د حکومت او د طالبانو ترمینځ امضا شوی دی، دا په شدت سره د افغانستان د ساکنو اتباعو تر مینځ دښمنی رامینځته کوی او دا کار د خلکو د ملی وحدت دپاره ډیر خطرناک کار دی او د دی کار عاملین او طراحان هم به مسوول وی.

که دا تفاهم نامه واقعا له طالبانو سره امضا شوی وی دا کار نه یوازی دا چی د طالبانو ګوند په رسمی توګه پیژندل دی چی رسما حکومت په ناسالمه توګه دوی په نظام شریک کړی دی او د افغانستان د تجزیی زمینه برابروی.

حکومت په دی باندی ښه پوهیږی چی د افغانستان خلک نور نه غواړی چی د طالبانو د حکومت د چتر لاندی ژوند وکړی او د دی مسالی طراحان هم باید په دی باندی پوه شی چی دا یو ناممکن او عجولانه تصمیم دی او هیڅکله هم به کامیاب نه شی.

0 پیام برای این مطلب ثبت شده